HAVANA, Cuba – Delegacionnan negociado di Gobierno di Colombia y FARC, hunto cu paisnan garante, a firma na Havana, un historico acuerdo final y definitivo di su proceso di paz y fin di e conflicto entre ambos parti.
E anuncio ta marca un punto definitivo den caso cuater aña di negociacion y 52 aña di conflicto. No ta trata di e firma di e acuerdo, sino di e final di negociacionnan, un paso historico pa e pais. Awo ta sigui e refrendacion di e acuerdo di parti di e Colombianonan atrabes di un plebiscito cu lo tuma luga dia 2 di October. E acuerdonan solamente lo drenta en efecto si e Colombianonan vota mayoritariamente pa Si.
“Di unda ta mira, e acuerdo aki ta infititamente miho cu sigui cu e guera,” presidente Juan Manuel Santos a bisa den un pronunciamento tras e firma historico. “E acuerdo logra ta e miho posibel,” Humberto de la Calle, hefe negociado pa Gobierno. Di su parti, e heve negociado di FARC, “Ivan Marque”, a manifesta cu “nos por proclama cu e guera cu arma ta caba y e debate di idea ta cuminsa.”
E acuerdo ta contene pactonan den reforma rural integral, den participacion politico – cu ta contempla cu FARC lo bay tin vocero den Congreso, cu voz pero sin voto, pa discuti e implementacion di acuerdonan, cese di e fuego bilateral, cu ta inclui reincorporacion di miembronan di FARC na bida civil, solucion na problema di droganan ilicito, establecimento di un comision di berdd y un sistema di husticia y reparacino y finalmente detaya e mecanismo di implementacion y verificacion.
E Gobierno lo manda e documento pa Congreso pa autorisa e plebiscito cu loke e Colombianonan por bisa si nan ta di acuerdo cu loke a wordo estableci na Havana.
Awo, segun Santos: FARC ta stop di existi y lo converti den un movimiento politico sin arma.
- Latest
