WARSCHAW- Dos santana Hudiu tabata victima di vandalismo na Polonia mei mei di otro crisis diplomatico di e gobierno Polaco, causa door di e acusacionnan di parti di Israel relaciona cu supuesto colaboracion Nazi.
Al menos 15 graf a wordo destrui den e ciudad Świdnica, mientras cu Wroclaw, zuidwest di Polonia, tabata tin posternan poni cu e inscripcion “Hesus ta Rey”.
Otro grafnan a wordo pinta preto, incluyendo uno cu’n pentagram, un simbolo asocia cu satanismo. Polis local ta investigando posibel motibonan antisemita, según autoridadnan local a informa medionan local.
Anteriormente e santana aki tabata victima di vandalismo, según Monika Krawczyk, presidente di e Union di Comunidadnan Religioso Hudiu na Polonia, a declara na e Agencia Telegrafico Hudiu (Jewish Telegraphic Agency).