Santa Rosa trahando pa un mihor maneho di awa di Dam

For di Algun siman caba Departamento di Agricultura Cria y Pesca Santa Rosa ta trahando riba diferente Dam den diferente discricto di Aruba.

Awendia nos Damnan rond Aruba ta completamente bashi di awa. Esaki ta duna oportunidad na Santa Rosa pa reanuda trabounan di mantencion logicamente. Sacando e cantidad di tera y santo cu ta keda acumula durante añanan. Esaki ta sosode di tal manera cu durante cu tin un torencial awasero cu rooinan ta lastra y ta finalisa cu tur santo y sushi den e damnan. Cu Tractor y bobcat nos a hasi varios di e Damnan rond Aruba limpi.

A bin na un idea cu na momento cu tin awa acomula den e dam pa hiba un mihor forma di maneho di uzo di awa. A yega na e conclucion pa pone un tubo cu tin un marca cu ta un midi (Meetlaat) cu tin color oranje. Esaki ta hasi cu na momento cu e awa di dam ta cabando y nos ta tuma nota cu e midi cu e color oranje aki bin na superficie nos lo para cu sacamento di awa for di e dam encuestion. Nos ta conciente cu mester keda un poco awa den e dam pa demas fauna cu ta exisiti na Aruba tambe por disfruta di poco awa cu ta keda den e dam. Duna oportunidad na tur esnan cu tin e tanki blanco di 1000liter pa por coi poco awa pa nan cultivo.

Dibiaha nos a tuma e desicion pa sera e damnan poniendo piedra na e entrada principal pa asina ningun hende no tira sushi tampoco den e damnan cu ya awordo hasi limpi caba.

Damnan cu ta sera y marca ta e dam di Noord, Tankiflip, Tankileendert,Dam di Desha, Dam di Hooiberg ta sera, Vaderpiet ta sera, y Dam di Shiribana ta sera y marca.

Di parti di Departamento di Agricultura, Cria y Pesca Santa Rosa nos ta hasi un apelacion pa no bai kita of kibra e midi cu nos a pone den e damnan ariba menciona. Esaki ta pa yuda nos na un mihor proceder di maneho di e damnan rond Aruba.

Un otro apelacion tambe ta pa no bai tira sushi tampoco den e damnan of den e sercania pa motibo cu na momento cu tin un torencial awasero e sushi aki cubo a tira den sercania di e dam por finalisa den e dam y por tin consecuencia pa nos mesun salud.

Comments

comments