Tabata algun siman atras cu Departamento di Agricultura, Cria y Pesca Santa Rosa tabata tin e oportunidad na nos criadonan local na momento cu nos tin crianan di rasa
na benta. Varios di nos criadonan local a bin probecha cumpra e diferente rasanan di Cabrito cu nos tin. Rasanan cu nos tin disponibel ainda ta Boer Goat, Anglo Nubia y Toggenburg.
Nos ta haci un apelacion na nos Criadonan cu ainda nos tin algun cabrito di Rasa obtenibel na benta aki na Santa Rosa. Por pasa personalmente pa mira esun di bo gusto. E ta wordo bendi pa peso y asina bo ta bay cu esun di bo.
Rekesitonan semper ta keda aplicabel na momento cu bo bin cumpra esun di bo.
Bo mester ta un ciado di bestia activo pa por yega na remarke pa cumpra. Mester tin tereno registra na nomber di e criado cu ta activo. Na momento di bin cumpra bo bestia esaki mester wordo haci durante horarionan di mainta trempan cu ta fresco. No bin mes durante dia cu solo ta cayente pa cumpra bo bestia paso esaki no lo wordo haci. Motibo ta cu solo cayente ta pone cu e Cabrito por sofoca di e calor y solo cayente y por te hasta muri durante transporte. Sigui cu otro rekisitonan cu nos ta exigi ta cu bo mester por tin un cura of luga adecuado pa e bestia. Cura mester ta limpi y mester tin sombra pa e Bestia por tin frescura durante dia pa descansa. Mester percura pa e tin awa limpi alcansabel tur dia pa bebe. Tene bon cuenta cu e puntonan aki.
Pa mas informacion por tuma contacto cu nos oficina cu ta Departamento di Agricultura, Cria y Pesca Santa Rosa na tel: 585-8102.