Randy Maduro di Santa Rosa Aruba a duna di conoce cu aña anterior a tuma luga varios di e mercado y pop up unda esakinan tabata bon bishita. Nos di Santa Rosa ta traha na bienestar di nos productornan local ultimamente ta organisando diferente mercado y esun di mas grandi cu ta dia di alimentacion y tera y esaki ta tumandoluga pa varios aña caba, aña pasa a cuminsa cu e pop up market den un concepto mas chikito entre 10 pa 15 venders cu ta presenta nan producto dilanti edificio di Santa Rosa.
Personanan invita ta esnan cu ta bende carni, fruta, berdura, producto fresco y mas cu claro ta duna oportunidad den comienso di aña pasobra si mira bon awa ta yobe den tempo di fin di aña y ainda kisas den januari, y asina den fin di januari pa comienso di februari bo ta haya productornan local tin mas producto pa ofrece y debi na esaki ta duna oportunidad na productor local pa por sali si nan producto y ta organisa un pop up market.
E pop up market aki tabata un exito total, un di e pop up marketnan cu mas bishitante tabata e diasabra prome di februari unda di tur skina bishitatenan di custumber cu ta sostene nos agricultornan a presenta y probecha di cumpra nan producto. Hendenan para pafo for di 7’or di mainta y ta 8’or porta ta habri y esaki ta duna di conoce e interes ta halto. Tabatin bonchi, comcomber, pisca fresco y un sin fin di producto fresco cu a keda bendi na clientenan cu a presenta.
Diasabra 29 di maart tin e siguiente benta di productonan local den nos pop up market. Un cunukero cu a lanta nobo por bishita Santa Rosa pa registra, e no tin gasto envolvi pero mester bin cu identificacion, copia di tereno y situatie plan algo di DIP cu esei ta tereno riba bo nomber y duna poco informacion y si bo ta bay cuminsa planta of ta plantando caba y asina bo ta yega na remarke di servicionan cu nos ta ofrece.
