Hyatt Regency Aruba a organisa diabhuebs un dia special pa su empleadonan. Esaki tabata un Health Fair cu a cuminsa for di 12’or di merdia y a bay te cu 9’or di anochi.
Diferente instancia a wordo invita riba e dia aki pa asina ofrece na e empleadonan nan servicio of producto. Motibo di esaki ta cu Hyatt Regency Hotel ta sali for di e punto di bista cu su empleadonan nan salud ta na prome luga. Sigur tambe mirando e diferente orarionan cu e empleadonan tin no ta haci posibel pa nan por yega facil durante dia pa haci un of otro diligencia personal. E empleadonan tabata tin oportunidad pa bishita tur esnan presente pa asina probecha di tur locual tabata tin pa ofrece na nan. Sigur for di e diferente instancianan aki e empleadonan a ricibi diferente informacion y ofertanan cu tabata tin prepara pa nan. Esaki a wordo acompaña pa un sin fin di pasabocanan saludabel henter e actividad special aki. Papiando aki na pasabocanan traha di fruta y berdura. Bebidanan saludabel specialmente prepara pa e dia aki.
Di parti di Departamento di Agricultura, Cria y Pesca Santa Rosa presenta cu su informacion semper gusta pa un y tur. Sigur nos matanan herbal y di fruta cu ta di beneficio pa salud humano. Hopi ta esnan cu a pasa y haya un batayon di pregunta y mas cu claro e informacionnan y/of inkietud cu nan ta encontra cu algun mata na cas. Tabata tin oputunidad tambe pa cumpra mata, vitamina of simiya na e “booth” di Santa Rosa y sigur nan a sa di probecha di esaki. Nos colega Ludwig Rasmijn a duna un presentacion cu un proceso efectivo con pa transplanta un mata di un pochi chikito pa un pochi mas grandi of tambe pa pone den tera.
Manera semper nos ta gradici Hyatt Regency Hotel pa un biaha mas a corda riba Santa Rosa y sigur e rol importante cu Santa Rosa tin pa loke ta trata come saludabel. Un danki ta sra. Raquel Bautista pa extende su invitacion na nos departamento y e hospitalidad ricibi durante henter e dia aki.