Ta hopi importante pa sigui inverti no solamente den cosnan material pero sigur tambe den nos personal pa e departamento por sigui funciona optimalmente tur dia. Esaki sigur ta uno hopi importante. E conocimento mester keda expande pa asina nan por soluciona y atende cada situacion na un miho forma posibel. Con ta haci esaki? Ofreciento diferente curso na e personal pa asina eleva mas ainda nan conocimento via di cursonan. Pa e motibo aki nos departamento di Agricultura, Cria y Pesca Santa Rosa lo ta cera henter dia DIABIERNA 21 di APRIL 2017. Esaki ta debi na un curso cu e personal lo ta ricibiendo. Servicionan lo reanuda bek DIALUNA 24 di APRIL 2017. Santa Rosa ta disculpa pa cualkier inconvenencia cu esaki por trece.