Dia 28 di october, Santa Rosa lo tin un dia di actividad en conexion cu celebracion di Dia di Tera. Pero adicional di esey, locual cu semper Santa Rosa ta conseha ta pa planifica. Sra. Nathaly Maduro, directora di Santa Rosa ta amplia.
Lo ta bon pa planifica, ya cu tur hende den fin di aña kier cumpra productonan fresco pa nan por cushina. Awo cu awa ta yobe, ta bon pa purba colecta awa pa despues no tin suficiente awa. Pa e criadonan vooral, pa separa e bestianan trempan, ya cu abattoir ta cera trempan. Kier encurasha e criadonan vooral, pa sacrifica e bestianan trempan pa asina nan wordo controla. Mester motiva e industria di cria, mester haci’e na manera responsabel. Ainda awendia tin hende cu ta sacrifica e bestia na cas.
Abattoir ta ofrece servicio di sacrificio dos biaha so pa siman. P’esey ta bon pa cuminsa trempan, y papia cu e clientenan pa por haci entrega di carni mas trempan pa no keda pega cu carni, sin tin luga pa warda den freezer.
Santa Rosa t’ey pa yuda tur productor local. Santa Rosa tin su apgina di Facebook y tin biaha Santa Rosa ta pidi cu ora tin hopi producto, pa laga sa ya cu Santa Rosa ta haya yamadanan pa cua cunukero tin cua producto.
Actualmente Santa Rosa tin un demanda hopi grandi pa locual ta e parti di restaurant y hotelnan. Dus tin un proyecto den pipeline, hunto cu oficina di turismo. Lo bay tin mas oportunidad pa e cunukeronan produci. Awo tin e United Farmers Aruba cu ta un organisacion structura, y nan ta dispuesto pa guia esunnan cu ainda no ta forma parti di nan organisacion, pa asina e parti di marketing, di haci clientenan nobo, pa facilitanan tambe. Ta haya cunukeronan cu no ta gusta e parti di bay y acerca e cliente.
Pero esunnan cu toch kier keda den contacto cu Santa Rosa y laga Santa Rosa yudanan pa plama e noticia y informa e pueblo di kico nan tin, sigur nan por yama Santa Rosa anytime. Si tin hopi cosecha, nan ta mas cu bon bini. Ohala cu por tin mas cunukeronan cu ta desea di haci esey, nan ta welcome semper. Y esaki ta conta tambe pa criadonan di bestia, como tambe pa nos piscadonan. Te asina leu, Sra. Nathaly Maduro, directora di Santa Rosa, cu e relato.
