E aña aki, Aruba a fungi como e anfitrion pa loke ta e conferencia, ACURIL XLIX Aruba 2019 cual ta e Association of Caribbean University, Research and Institutional Libraries (ACURIL) ta organisa diferente conferencia international. Esaki ta un conferencia cu ta ser organiza, anualmente, na diferente isla y pais, den Caribe.
E aña aki, Aruba ta e isla anfitrion y e conferencia a inicia cu workshops, desde diadomingo 2 di juni y lo continua durante full e siman aki, te cu diahuebs 6 di Juni den Renaissance Convention Center. Tin diferente presentacion y workshop, cual ta tum lugar tanto den e sala principal, como den otro salanan di reunion na Renaissance. E conferencia a wordo organiza door di Biblioteka National Aruba bou direccin di su sra. Astrid Britten y hunto e commission organizador di Aruba y di Acuril.
Departamento di Agricultura, Cria y Pesca, conoci como Santa Rosa cu hopi orguyo, tambe a wordo invita pa forma parti di e programa, pa comparti e diferente strategia y plan di maneho, con Aruba pa motiva y desaroya, Agricultura Sustenibel.
Sra Nathalie Maduro, tabata e orador, durante e presentacion, den presencia di diferente representantenan di diferente pais. E presentacion, a inclui topiconan manera, scarcedad di awa, systemanan innovative, concientizacion y workshops, future di Agricultura etc. Un aspect di e presentacion cu sigur tabata interesante pa tur presente, tabata e parti di cuminsa planta den escala chikito den forma di hofi na cas of hofi escolar. Tambe a toca e tema di scarcedad di tereno na Aruba. Otro aspect di e presentacion, tabata e parti encuanto di e mulinana di Biento cu nos a renoba pa asina duna mas accecibilidad na awa pa nos productornan. Pa locual ta e opcion pa colecta awa di yobida, tabata un punto interesante, cual hopi di esnan presente a applaudi como un bon opcion di parti di Aruba.
E topico cu sigur a acapara hopi atencion, ta Santa Rosa su projecto di rescate di Abeha. Awendia despues di hopi ana di ta wordo mira como insectonan peligroso, finalmente, nos Abehanan awendia ta wordo reconoci como un insect sumamente importante pa polinisacion. Esaki tambe ta un di e motibonan cu nos di Santa Rosa a stop completamente cu venta di su pesticidanan chimico cu ta dañino pa nos medio ambiente y desastroso pa nos Abehanan.
Durante nos presentacion, Sra. Maduro a wordo anuncia, cu BNA & Santa Rosa lo ta bay inicia cu un projecto piloto cual ta wordo jama “Rooftop Apiculture”, un systema awendia hopi usa na paisnan rond mundo.
Na final, esnan presente tabata tin e opportunidad pa hasi pregunta y comparti e strategianan, implementa na nan pais, simembargo, nan a keda sumamente asombra cu e cantidad di projectonan cu Aruba, mediante e esfuersonan di Santa Rosa, ta ofreciendo na e comunidad di isla. Esaki sigur ta un confirmacion, cu apesar di tur retonan cu awa y tereno, toch tin varios actividad positivo tumando lugar, den un escala chikito mediano.
Pa medio di esaki, Santa Rosa kier gradici henter e team di Biblioteca Nacional di Aruba, pa e invitacion y e opportunidad di comparti nan presentacion cu e delegadonan di Acuril XLIX. Adhunto, por aprecia Sra. Maduro, durante su presentacion, dialuna atardi. Exito na BNA cu e conferencia, cual lo culmina, diabuebs proximo.