Manera tur hende ta na altura cu despues di e torencial awasero Santa Rosa semper ta Sali y controla tur Dam cu tin rond di Aruba. Esaki ta pa sina ta na altura di kico tur por a tuma lugar durante e awasero y tuma nota tambe cua ta e damnan cu posiblemente por a bay over manera nos a informa den nos prome comunicado di e siman aki net despues di e awasero. Mesora nos Departamento di Agricultura,Cria y Pesca Santa Rosa hunto Lands laboratorio a sali pa asina haci un chekeo di e awanan di Dam pa asina nos porductornan local por continua cu nan produccion sin ningun problema. Durante di e checkeo di awanan di dam rond Aruba a bin resulta cu e awa di Dam di Noord cu ta keda pariba di Misa di Noord no ta suficientemente di bon calidad pa por uza pa produccion. Mesun caso ta conta pa e awa di Dam di Tanki Flip cu tampoco no a resulta di e bon calidad pa por uza pa produccion y tampoco pa duna Bestia pa esnan cu tin cria.
Pa e motibo aki nos ta haci un apelacion hopi fuerte na nos productornan local pa porfabor no hasi uza di e awa di e dos damnan aki cu ta esun di Tanki Flip y e dam di Noord pa motibo cu e awa no ta suficientemente di calidad pa plantacion mucho menos pa cria. E dos damnan aki no bay tin un aviso oficial di deparatamento Agricultura, Cria y Pesca y tambe lo wordo cera te cu proximo aviso.
Di antemano nos ta pidi disculpa na nos productornan y nos disculpa pa e inconveniencia cu esaki por ocaciona. POR FABOR TUMA BON NOTA DI ESAKI.