Sannin Daou di Arubus ta pidi comprencion di pueblo pa cu e dia nan di fiesta mirando cu fin di aña semper caretera nan ta mas druk cu normal pero tambe cu e aña ki tin hopi caminda bao mantencion. Tur esaki ta trese tardansa den trafico y lo pone cu Arubus lo core poco laat. Arubus ta haciendo tur lo posibel pa evita esaki.
Kier informa pueblo cu via Facebook page di Arubus lo keda informa pueblo di e cambio nan di ruta. Ta pidi pa tin pasenshi y lo keda hasi esfuerso pa duna miho servicio. Parti Hotel area ta esun cu ta usa e bus nan mas frecuente, vooral esnan cu ta bin di San Nicolas.
Mainta tempran e trafico ta mas trankil compara cu e resto di dia. Arubus semper tin ruta alternativa pa evita tardansa. Pa dia nan di fiesta Arubus lo keda core tur dia dunando servicio normal pero cu orario, schedule di diadomingo. Bus nan lo core menos cu normal pero tur ruta.