Pa e dos fin di simanan cu lo bay bin, usuario di transporte publico lo conoce cambio den orario. Esaki ta en conexion cu e dianan di fiesta cu nos tin nos dilanti.
Segun vocero di Arubus, Sanin Daou, e schedulenan sinembargo ta keda mesun cos. Loke ta trata orario, ta keda core e dienstnan normal, manera tur hende custuma cun’e. Hendenan di hotel of hendenan cu ta traha den centro di ciudad, no lo bay tin cambio te ainda y tur cos lo bay ta normal. Unico cos cu ta bay haci, manera cu ta haci tur aña, ta cu dia 25 y 26 di December y di dos dia di pasco, ta core e schedule di diadomingo, na luga di den siman. Dialuna cu normalmente ta un schedule normal, ta core schedule di diadomingo, manera cu ta core tur dia di fiesta. E ta normal tur e orarionan, simplemente e frecuencia ta menos compara cu den siman. E no lo bay tin hopi consecuencia pa esnan cu ta traha pasobra e busnan ta coriendo normal. Ta bay tin transport pa tur hende y e orarionan lo ta normal.
Riba e dianan di fiesta, Arubus ta core mescos cu ta dienstnan di diadomingo. E ta un dienst normal, unicamente e frecuencia ta algo menos compara cu den siman, segun Daou.
Pa loke ta e autobusnan, como cu e ta cay parti di Arubus, e busnan aki tambe lo ta core nan orario normal. Simplemente nan ta core normalmente orario di diadomingo. Pero, den un caso di un autobus, si nan ta mira cu tin hende cu ta kedando riba caya y cu tin mas transport pa nan, nan lo por haci esaki. E ora ey lo dicta dicon e situacion riba caya ta, si nan ta core mas hopi of ta core un dienst toch un tiki menos compara cu den siman.
Dia 31 di December, cu ta cay riba un diasabra, ta core un dienst normal, pero manera tur aña ta e caso, aña nobo ta stop e servicio un tiki mas tempran, pa duna tur chauffeur un chens pa yega nan cas y pasa tiro cu nan famia. Tur hende mester sa cu rond di 8’or lo bay ta e ultimo bus cu lo bay direccion San Nicolas. Esey lo sali ongeveer 10 pasa di 8. Mester bisa cu for di hotelnan e ultimo busnan cu ta bin direccion di station di Playa lo ta 20 pa 8. Si no tin di hera tin un di 10 pa 8 tambe, pero 8’or pa 8’or y 10 ta e ultimo bus cu lo sali bay direccion di San Nicolas. E ora ey despues di esey lo no tey mas. Dia 1 di Januari, lo ta coriendo si, pero e ora ta core segun e dienst di un diadomingo. Cual ta riba un diadomingo tambe y e ora ey dia 2 tambe esaki lo ta e caso, caminda cu ta coriendo cu menos frecuencia, cu un dienst di diadomingo. Arubus lo bay tey coriendo e oranan si ta normal, djis cu e frecuencia ta un tiki menos.
Di parti di staff, gerencia, personal di Arubus, vocero Sanin Daou ta desea pueblo di Aruba un feliz dia di pasco, cu hopi uncion y devocion y tambe ta desea tur un aña nobo cu yen di dicha y prosperidad y cu tur deseo di pueblo wordo cumpli.