SAN BERNARDINO, California – E esfuersonan pa eradica e especia invasor di sangura, Aedes aegypti, transmisor potencial di sangura geel, dengue of di e virus di zika, a yega zuid di California, despues cu e presencia di e tipo di insecto aki a wordo detecta pa un agencia di control na principio di e siman aki.
“E ta duna un poco miedo,” Deboral Sershion a bisa ABC7, preocupa pa e reciente yegada di e sangura aki na su bario di e ciudad di Chino Hills, zuidwest di e condado di San Bernardino. “Lo unico cu mi sa ta cu mi tin mas pica di sangura e aña aki compara cu henter mi bisa, asina ta, algo ta pasando,” Sershion a bisa.
Compara cu otro sangura, Aedes aegypti ta pone su webonan pegando nan na banda di recipientenan chikito cu awa manera taira. “Ta tur e fuentenan chikito, no e gran piscina sushi ni e lago (cu nos ta wak) cada dia, ta pone na riesgo di forma colectivo den henter un vecindario,” Brian Reisinger, miembro di e districto di control di sangura y vector di West Valley, a splica ABC7.
ISCA Technologies, compania cu sede na Riverside, ta yudando na modernisa e forma caminda cu e districto di control di vector cu ta combati e problema aki. “Nos ta haciendo pa e sanguranan haci loke nos kier, ya sea atrayendo nan na un fuente toxico of haciendo cu nan ta pone (nan webonan) den un fuente di awa trata,” Jesse Saroli, director di biologia di ISCA ta afirma.
E proceso ta uza holonan manera feromoon of compuestonan a base di nectar pa seduci e sanguranan leu di e presencia di sernan humano. “Solamente mit a spera cu loke sea cu nan logra nos tur lo ta sigur,” Sershion ta conclui.
Fuente: www.laopinion.com