Sancionnan Mericano riba industria petrolero Venezolano a beneficia Shell y BP

WASHINGTON, D.C., Merca- E sancionnan Mericano riba e industria petrolero di Venezuela a beneficia Royal Dutch Shell y BP, e dos productornan mas importante den e Golfo di Mexico, ya cu e refinerianan cu mester reemplasa e barinan di e nacion Suramericano ta buscando suministro den e region.
Ambos compania ta produci cantidadnan notabel di crudo cu e refinerianan ta buscando como reemplaso inmediato di e petroleo pisa di Venezuela. Pa añanan largo, refinerianan na Merca tabata depende di esaki.
E volumen di operacion den e grado di petroleo a aumenta den e ultimo lunanan y e prijsnan a yega na e punto maximo den cinco aña despues di cu e sancionnan a wordo imponi.
E produccion di Merca a subi na un maximo di 12 miyon bari pa dia, pero menos di 5% di e volumen ey ta crudo pisa.
E sancionnan a paralisa e refinerianan na Merca, ya cu hopi di e instalacionnan grandi den e costa Mericano di e Golfo mester di petroleo mas pisa pa procesa productonan di margen halto manera diesel y combustibel pa avionnan. E crudo pisa ta representa casi dos tercera parti di e importacion di petroleo di Merca.
E barinan Venezolano a alcansa un promedio di 10% di e importacionnan di crudo pisa na 2018 y casi 13% na 2017, segun cifranan di e Departamento di Energia Mericano.
E prijs di crudo procedente di e Golfo di Mexico, den su mayoria mescla door di Mars, subsidiario Mericano, a yega su punto maximo di 5 aña y e benta nan ta aumentando na un paso acelera, segun ehecutivonan di e compania, inversionista y datonan revisa door di Reuters.
“Nos ta cumprando mas cerca Mars p’aworaki”, segun Gary Heminger, presidente ehecutivo di Marathon Petroleum Corp. E compania, un di e refinerianan mas grandi na Merca, no ta importa gran cantidad di crudo Venezolano.
Shell ta opera un gran parti di e plataformanan den e Golfo di Mexico y BP ta conta cu e mayor volumen di produccion den e region, segun cifranan duna door di e dos companianan.
Representantenan di e dos companianan no a vincula e aumento recien den benta di crudo produci offshore den e Golfo cu e sancionnan riba Venezuela precisamente, pero a admiti e interes di mercado.

Comments

comments