Pa presidente di San Nicolas Business Association, Andres Hernandez, e cambionan cu a cuminsa bin San Nicolas ta hopi positivo, mirando cu tin arte y mas otro proyectonan pa p’ariba di brug.
SNBA, si tur hende por a sinti’e, ta hopi activo, pero no publico. Ta tratando di no stroba absolutamente den ningun forma, loke ta hayando por fin pa San Nicolas y pa p’ariba di brug y ta yudando den tur forma. Ta apoyando tur loke ta e Art Fair, ta yuda nan cu loke ta e Townhall meeting y cualkier cos a wordo puntra, ta colaborando cu nan. SNBA ta yudando pa tur cos y tratando di no causa ningun tipo, evitando incluso ningun tipo di friccion di forma cu por fin ta wak cu un tiki di e budget, e balansa cu nan conoce cu tabata totalmente desbalansa pa loke ta p’ariba di brug. No solamente San Nicolas. Por fin e ta bayendo un tiki pa nan. E ta yegando un tiki mas ariba. SNBA ta hopi contento cu e desaroyonan, cual nan a expresa caba den diferente media cu tur loke ta sosodiendo. No ta eynan pa show off cada rato politicamente, pasobra nan no ta. Loke nan ta haciendo ta di un manera dispuesto y gratis cu tur loke tin, cu cualkier desaroyo y persona cu tin pensa of ta treciendo algo positivo pa San Nicolas. No solamente e parti di loke ta e proyectonan di Gobierno. SNBA tin tres di e board ta moviendo inclusive p’afo, preparando pa loke ta e Fiscal Zone, cu ta aparentemente den sali finalmente of oficialmente. Ta buscando inversionistanan, no solamente local. Ta atendiendo tur localnan cu ta yama cu tin ideanan pap one na San Nicolas y e resto di Pariba di Brug. Tin hopi idea y entusiasmo y ta contento cu por fin tin un sorto di back up. Tin biaha tin hende cu kier pone un tienda, un cafe, of algo y ta bon pa yuda haya un local. Sin flow no tin negoshi. Bottomline ta cu por stima San Nicolas, pero bo mester come tambe.