Diasabra ultimo San Fuego Cycling Club a ranca sali cu lesnan na su scol di ciclismo pa 2017. Esakinan ta tuma luga riba veld di SV Arikok na Shete y lo ta ariba tur diasabra di 16:30 p.m. -18:00 p.m.pa muchanan cu ta principiante y esunnan cu ya por core un tiki caba. Riba e diasabra tambe durante ora di les mayornan por haya mas informacion tocante nos scol di ciclismo y si ta desea por inscribi tambe. Lesnan ta wordo duna gratis. Muchanan cu ta interesa pa cuminsa meste tin un MTB den bon condicion, valhelm y handschoen ta obligatorio.
Meta principal di nos scol ta pa brinda nos muchanan e oportunidad di siña core bicicleta na un forma structura caminda diversion tan a prome luga.
Muchanan despues di a sigui e programa di scol di ciclismo por participa nan competencianan despues of por haci uzo di e locual cu nan a siña pa core bicicleta den un forma recreativo of hasta haci uzo di e bicicleta como medio di transporte.