SAN FRANCISCO, California – E alcalde di San Francisco, Ed Lee, a anuncia diamars cu e ciudad Californiano a presenta un demanda contra e presidente di Merca, Donald Trump, pa su decision di retira e fondonan federal na e “ciudadnan santuario”, cu ta proteha di e deportacion na e indocumentadonan.
Siman pasa, Trump a firma un orden ehecutivo caminda e lo suprimi e fondonan federal na e ciudadnan cu ta nenga di proporciona autoridadnan federal informacion riba e status migratorio di e personanan cu ta detene, entre cual ta inclui San Francisco, Los Angeles, Chicago y New York entre otro.
Durante e campaña electoral, Trump ya a priminti cu e lo carga contra e urbanisacionnan aki y entidadnan yama “ciudadnan santuario”, calcula den 300 den henter e pais.
E demanda, e prome respuesta hudicial na e medida firma pa Trump, ta splica cu e orden ehecutivo ta viola e di Dies Enmienda di e constitucion di Merca, unda cu ta sigura cu e podernan no concedi na e Gobierno federal tin cu cay riba e propio estadonan.
Fuente: NTN24