Samuel Rosales di Noord Taekwondo Center ta cla pa TK5 Corsow

Den fin di siman Samuel Rosales di Noord Taekwondo Center a haña su uniform pa TK5 Corsow. Samuel Rosales tin varios añanan caba den e team di Aruba cu ta representa Aruba den e TK5 di Surinam y Corsow.
Tur aña e sponsor ta regala Aruba su TK5 team nan uniform marka Nike pa asina nan ta unico y bon bisti.  Samuel Rosales di Noord Taekwondo Center ta wordo getrain bou un team di entrenadornan manera Grand Master Chaco Cornelio, Master Melvin Rasmijn, Master Yoshmar Wever y Master David Dubero. Un team di maestronan di Taekwondo cu cada uno cu nan specialidadnan den Taekwondo, Hapkido, Yudo y Grabbing. Samuel Rosales ta un hoben cu tin su meta su dilanti y kier yega leu den su deporte. E aña aki Samuel a participa den e TK 5 na Surinam despues den e Open di Costa Rica y awo ta cla pa TK5 Corsow. Nos ta desea Samuel Rosales y su team hopi exito na Corsow.

Comments

comments