TECNOLOGIA
BARCELONA, Spaña- Samsung, durante Mobile World Congress (MWC) teni na Barcelona, a lansa un dia prome cu e comienso oficial di e Congreso, su telefon di mas nobo, e Samsung Galaxy S9. Esaki ta bin cu un diseño continuista relaciona cu su predecesor y cu’n camara mas sofistica pa asina competi cu e iPhoneX.
Despues di cu na 2017 no tabata tin un telefon nobo, e fabricante di telefonnan celular mas grandi di mundo a haci di Barcelona su lansamento mundial y asina bira e protagonista principal cu e protagonismo cu e ultimo terminal di e famia di Galaxy, y manera ya ta custumber, e ta lansa tambe su version plus.
Den e presentacion cu a tuma luga den un di e seccionnan di e Fira bieuw, e presidente di e division IT y di Mobile Communications di Samsung Electronics, DJ Koh, a destaca e importancia di e telefon como dispositivo pa comunicacion visual, manera e miyones di video y emojinan ta demostra.
Pa esey, Samsung a concentra ariba e camara di e Galaxy nobo, cu ta capaz di graba den super slow motion, yegando 960 fotogram p/s. Esaki ta algo cu Sony lo a logra te cu awo y e ta conta cu un motion detector y por adapta su mes na luz manera e wowo humano.
Fuente: https://www.cnet.com/