SEOUL, Sur Corea – Den un reciente comunicado, Samsung a anuncia e usuarionan adscrito na e Programa di Actualisacion Galaxy cu lo ofrece esnan cu entrega e malogra Note 7, un 50% di descuento den e compra di Galaxy Note 8 y Galaxy S8 como un strategia pa garantisa e fidelidad di e marca.
Informacion cu ta mustra cu apesar di loke a sosode, Samsung ta sigui produci dispositivonan mobil di e linea Note, cu no lo wordo descontinua apesar di e rumornan al respecto. Ainda no ta conoce e detayenan of caracteristicanan di e telefon nobo, pero e compania ya ta papia cu propiedad di e existencia di Note 8 y Galaxy S8.
E siguiente modelo mester a wordo revela di e manera aki pa e afan di Samsung di conserva su clientenan y mantene nan fiel na e marca. E idea ta cu e usuarionan di e programa di actualisacion solamente tin cu paga mita di e prijs total pa accede na Note 8 of Galaxy S8.
Dentro di e comunicado emiti pa Samsung, sa cu e metodo di reemplaso aki pa e Galaxy Note 8 of S8 lo cuminsa aplica na Sur Corea y e extension di e programa aki lo duna di acuerdo na “e situacion di cada pais,” segun Reuters ta afirma.
Por ehempel, na Merca, usuarionan cu ta debolbe nan Galaxy Note 7, ta ricibi automaticamente un credito di 25 dollar pa cambi’e pa otro dispositivo, pero ta ofrece 100 dollar si nan kier cambi’e pa un dispositivo di e marca Samsung.
Como un plus, e compania tambe ta ofrece un 50% den drechamento di screen, descuendo cu por wordo uza dos biaha. E programa di actualisacion tin fecha di vencimento y ta te dia 30 di November.
Ta claro cu pa Samsung perde consumidor no ta un opcion, mas ainda cu e cifranan cu e desaster di e dispositivonan Galaxy Note 7 a laga atras, no ta faborabel pa nada y e perdidanan ta relevante.
Fuente: Baquia.com