SEOUL, Zuid Korea – Diaranson, Samsung a presenta su celular nobo, Galaxy S8, e ultimo version di su liña insignia di smartphones, tras e anuncio haci na e Congreso Mundial di Celular.
E dispositivo nobo lo tin dos version: Galaxy S8 lo ta e version basico y Galaxy S8+ lo inclui algun caracteristica adicional.
Pantaya
E modelo basico ta dispone di un pantaya di 5,8 inch, un display di 2960×1440 pixel y 570 ppi. E otro version tin un panel di 6.2 inch, display di 2960×1440 pixel y 529 ppi.
Midi
Samsung Galaxy S8 ta midi 8 milimeter, mientras cu e largo y e hancho ta yega 148.9 y 68.1 milimeter. E peso di e modelo aki ta di 152 gram. E version S8+ ta algo mas granid y tin midi di 159.5×73.4×8.1 milimeter, contando cu un peso di 173 gram.
Camara
Ambos version di Samsung Galaxy S8 ta bin cu un camara patras cu un sensor di 12 MP cu ta conta cu e tecnologia Dual Pixel, cu ta bringa mehoracionnan substancial den e capacidad di enfoke di e dispositivo. E apertura ta di e diafragma di f1,7.
E camara frontal ta di 8 MP, ta dispone di e mesun apertura cu e mesun apertura cu esun posterior y tin autofocus.
Interior
Ambos dispositivo lo conta cu un version 7.0 di Android y Samsung ta presumi cu e ta inclui e prome procesador di 10 nanometer di e industria. E dos telefonnan ta conta cu chipnan di ocho nucleo di 64 bit.
Den e caso di Galaxy S8, cuater di e nucleonan aki lo ta di 2.3 GHx, mientras cu e otro cuaternan di 1.7 GHz. S8+ ta conta cu un procesador di mas capacidad, siendo e mita di su nucleonan di 2.35 Hz y e otro parti di 1.9 GHz.
E almacenamento interno ta di 64 GB, ampliabel te cu 356 GB mediante e uzo di carchinan microSD. Di su banda, e memoria RAM ta di 4 GB.
E bateria di S8 ta di 3.000 mAh, mientras cu esun di Galaxy S8+ ta di 3.500 mAh, contando ambos cu cu charging rapido y wireless compatibel cu WPC y PMA.
Otro caracteristicanan
E Samsung nobo ta resistente na stof y awa, y ta conta cu un gran gama di sensor: di fingerprint digital, giroscope, geomagnetico, ritmo cardiaco, di proximidad, di iris, presion y RGB. Compara cu esun anterior, ta añadi un barometer y un acelerometer.
Lansamento
E celular aki lo sali riba mercado dia 21 di April. Pa awor aki ta desconoce su prijs pa nos region, pero sa cu na Europa e lo tin un costo superior na 800 Euro.
Fuente: http://elcomercio.pe