SEOUL, Korea del Sur- Samsung Electronics a anuncia diamars cu e lo saca ariba mercado un version actualisa di e polemico Galaxy Note 7, cu mester a wordo kita for di mercado pa varios casonan di incendio.
E telefon renoba, bautisa como Galaxy Note 7 Fan Edition, di cual lo saca 400 mil unidad, lo wordo bendi pa mas o menos 600 dollar.
Samsung mester a suspende e produccion y benta di Galaxy Note 7 debi na varios caso di candela pa motibo di e bateria, segun un investigacion a demostra despues.
E fiasco di e Samsung Galaxy Note 7 a causa e compania un perdida di 4,8 miyon euro.
E diseño aki di e Galaxy Note ta ekipa cu’n bateria cu menor capacidad cu e modelo original (door di purba na logra un bateria cu tabata di duracion largo minimisando al maximo su tamaño tabata un di e causanan di e candela den e terminal) y cu’n software totalmente actualisa.
Ta ser spera cu Samsung lo presenta e Galaxy Note 8 durante e luna di Augustus na New York.
Fuente: www.gadgetspost.com