Samira Rafaela den su prome discurso como miembro di parlamento Europeo a haci enfasis ariba e impacto cu e crisis na Venezuela tin ariba e e teritorionan Europeo ultramar.
E situacion di Venezuela aworaki tin mas di 4 miyon persona cu a busca refugio den paisnan bisiña, cual despues di Siria, ta un di e crisisnnan di refugiado mas grandi na mundo. Miembro di Parlamento Europeo, Samira Rafaela a haci un yamado na Union Europeo pa haci uzo di medionan poltiico pa pone presion ariba e gobierno di Maduro, pero a haci enfasis ariba nos mesun normanan legal y responsabilidad moral pa acoge esunnan cu ta en busca di proteccion.
Samira Rafaela:
“Na comienso di aña mi por a constata pa mi mes di e situacion, ora cu mi tabata di bishita na e parti Caribense di Reino Hulandes. Riba e islanan ABC por ehempel, e cantidad di refugiadonan entre tanto ta mas di 10% di e poblacion local. Sin nos apoyo, e islanan ta enfrenta un tarea imposibel”.
El a splica en concreto kico e apoyo mester encera, y a pidi e comsion pa asigna cierto asigna fondonan for di e fondo di migracion di Union Europeo y pa manda expertonan di e Oficina Europeo di Apoyo di Asilo (EASO).