AMSTERDAM, Hulanda – Samira Rafaela, candidata #3 di D66 (Lista #1) pa Parlamento Europeo, a haci un bishita enfatico na e islanan di Aruba, Corsou y Boneiro durante di su campaña. Cu su bishita e la enfoca e importancia pa por ta e voz di interes di e islanan Caribense cu ta parti di Reino Hulandes den Parlamento Europeo. Como cu e islanan tin derecho ariba fondo cu por duna sosten na un miho maneho di medio ambiente, proteccion di naturalesa, bienestar di asuntunan social, educacion y mantencion di cultura. Ademas como un ciudadano cu paspoort Hulandes consciente cu nos tambe ta ciudadano di Union Europeo y esaki tambe ta trece derechonan cun’e.
“Durante mi bishita mi relampago por a combersa cu diferente persona, dignatario, medionan, organisacion y instancianan cu ta indica cu nan tin necesidad pa sa mas di Union Europeo. Importante ta pa invertí den e aña nan binidero den conscientisacion di hende tocante Union Europeo.”
Tambe si Samira wordo eligi como miembro di Parlamento Europeo e ta enfatisa: “Mi lo percura pa regresa na e islanan pa mi por keda visibel y fungi como un embahador di e islanan na Parlamento Europeo”.
“Alabes mi kier a gradici publicamente tur hende pa nan apoyo. Mi ta orguyoso di por forma parti di un generacion nobo di politiconan cu lo traha pa e generacion prome cu nos y tambe generacion nobo.”