Kralendijk Boneiro: Diaranson atardi central di polis a keda notifica di un caso di un sambuyado cu ta perdi na costa zuid di Boneiro.
Mesora a dirigi patruya hunto cu ambulance pa e sitio, mientras miembronan di KMAR tambe a haci acto di presencia na e sitio.
Na yegada na e sitio a bin topa cu pareha di e homber sambuyado cu ta perdi cu a splica cu nan tabata mas o menos 15 pai di profundidad entre pier di salt company y e boei cu por mira riba e potret, e señora a ripara cu su pareha no ta cune mas.
E dama a logra yega tera probablemente cu yudansa di otro sambuyado cu tabata den e cercania, caminda cu paramedico di ambulance a atende cu e dama y pa despues transporte pa policlinica pa un chekeo medico.
Un buskeda a tuma luga y despues di rato a topa cu e curpa sin bida di e homber.
Informe di Live 99 fm Boneiro.