Diaranson 5 di April e barco marino Zr..Ms. van Amstel, e actual stationschip den Caribe, lo haci su prome bishita oficial den awanan teritorial di Aruba.
Su Excelencia Gobernador di Aruba, Sr. J.A. Boekhoudt lo ricibi e saludo tradicional. E ceremonia lo ta habri pa publico en general.
Saludo
E saludo ceremonial lo tuma luga na Paardenbaai dilanti di Cas Ceremonial di Gobernador na altura di restaurant West Deck. E ceremonia lo ta habri pa publico. Para auto ariba e santo blanco y riba e parkeerplaats di e Westdeck lo no ta posibel prome ni tampoco durante e ceremonia.
E saludo ta consisti di dos parti: un prome saludo (pa 8 or y 30 di mainta) di 21 tiro na e bandera di Reino Hulandes, cu lo wordo contesta cu 21 tiro for di e limite na Gouverneursbaai. E di dos saludo (pa 9 or ) lo wordo dirigi na Gobernador y ta consisti tambe di 21 tiro, cual lo wordo contesta cu un saludo militar.
Stationsschip Zr.Ms. van Amstel
Un promedio di cada 5 luna un barco di Marina Hulandes ta na turno pa fungi como stationschip pa Caribe Hulandes. Zr.Ms. Van Amstel actualmente ta fungi como stationschip y lo fungi como esaki den e region te cu Juni. E tarea primordial di un Stationschip ta ehecuta operacionnan anti-droga. banda di esaki e barco ta zorg tambe pa presencia maritimo, p.e. door di brinda asistencia na barco y civilnan den necesidad, den cooperacion estrecho cu Warda Costa Caribense.
E barco lo por wordo uza tambe pa brinda asistencia den caso di un desastre natural, manera ora di horcan. Diamars 4 di April, Zr. Ms. Van Amstel lo forma parti di un sesion di entrenamento na Aruba. Pa esaki Marinierskazerne Savaneta a set up varios scenario pa asina e personal di defensa por haci nan trainingnan.
Datonan di Zr.Ms. van Amstel
Zr.Ms. Van Amstel ta un fragata di e clase Karel Doorman y a drenta den funcion na 1993. Marina Real tin 2 fragata multi uzo (M-fragata) di e clase aki. E barconan por wordo uza pa elimina barconan enemigo y pa accionan submarino. E barconan aki tambe por defende nan mes di atakenan aereo. E tin un largura di 122 m y por yega na un velocidad di 29 nudo (casi 50 k/h) hopi lihe. Zr. Ms. Van Amstel tin un tripulacion di casi 155 persona.
Armadura
E fragatanan multi- uzo tin un arsenal amplio. E cañon di tiro rapido riba cubierta por uza varios municion pa diferente tareanan. Barco y avionnan di combate pa apoya operacionnan terestre. For di e sistema di lansamento vertical Mark48, 16 misilnan tipo Sparrow por wordo lansa. E sistema aki dirigi pa un sistema di radar ta situa na e parti patras di e barco, banda di e deck di helicopter. Asina aki, bou di tur tipo di circunstancia climatico y na un haltura basta grandi, tanto avion como raketnan anti- barco por wordo desactiva. E misilnan anti- barco pa distancia medio por wordo lansa for di 8 tubo di lansamento inclina riba e barco. E misilnan aki ta “fireandforget”, esaki kiermen cu nan ta bula pa un area defini, pa asina ey nan activa nan mesun radar y di un manera independiente ataca e obhetivo. Despues ta haya e cuater tubonan di lansamento di torpedo Marco56 cu por desactiva tanto barco como submarinonan superficial.
Remodelacion di e sistema di sensor na 2010
E mast di e barco ta wordo reemplasa pa motibo di e ampliacion di e sistema di Radar cu Seastar pa controlnan superficial. E radar avansa aki ta capta botonan chikito pero tambe e landadonan entre e olanan. E sistema di control militar computarisa completo a wordo substitui na 2010 pa un aplicacion mas rapido. E deck di helicopter ta wordo amplia door di e yegada di e NH90 . E sistema computarisa tambe a wordo reemplasa. E sistema di monitor y alarma yama Gatekeeper tambe a wordo modernisa na 2010. E sistema ta observa 360 grado cu camaranan infrared y di resolucion halto. Door di e sistema aki, e tripulacion sa di biaha kico ta sosode den e vecindario directo. E ta un adicion importante di siguridad ora cu e barco mara den haf . E software high tech di procesamento ta di un tecnologia halto capaz di detecta y identifica obhetonan di manera independiente.
Propulsion
2 Rolls Royce Spey 1A turbina di gas (33.800 pk total)
2 Stork-Werkspoor diesels (9.790 pk totaal)
Mas informacion por subi e website:
https://www.defensie.nl/onderwerpen/materieel/inhoud/schepen/m-fregatten