Salud Mental di e adolescente den un mundo cu ta cambiando

0
RBC Juli 2018
Funmiles-2018

Awe 10 di oktober mundo completo ta celebra ‘World Mental Health Day’ e aña aki WHO a escohe e tema ‘Young people and mental health in a changing world’ di e manera aki poniendo atencion riba e salud mental di e adolecente y e adulto hoben.
Durante e periodo di adolecencia y den e prome añanan como adulto hoben ta facetanan di bida cu ta conose hopi cambio por ehempel cambio di school, bay studia den exterior of cuminsa un trabou nobo. Pa hopi esaki ta un temporada hopi exitante pero pa otro esaki por ta un temporada di hopi stress y den algun caso e sentimentonan aki por conduci na un estado mental no balansa si no wordo reconoci y trata na tempo.
Mayoria di malesa mental ta cuminsa den adolesencia y no ta wordo reconoci of trata na tempo y esaki tin como consecuencia cu e malesa ta sigui avansa y te den edadnan mas halto ta bira mas visibel. Segun Seccion di Epidemiologia y investigacion di Departamento di Salud Publico, suicidio ta e di tres causa di mortonan no natural. Pa aña un promedio di 6 persona ta comete suicidio pa un of otro motibo relaciona cu nan estado mental.
Suicidio por parce di ta e solucion pa un mente cansa, malo y for di balans pero esey no ta e realidad. P’esey riba e dia importante aki Departamento di Salud Publico kier concientisa comunidad con importante ta pa nos traha riba nos salud mental. Un des balanse mental por pasa nos tur den un etapa di nos bida. E importante ta pa nos reconoce esaki serca nos mes pa por busca ayudo of na momento di señala esaki serca un otro persona, tuma pasonan na trata di yuda e persona di un of otro forma prome cu ta mucho laat.
Cuido di nos salud mental ta ensera entre otro, acepta nos mes, papia y expresa nos sentimentonan, come saludabel, sea fisicamente activo, relaha, practica un actividad cu nos gusta frecuentemente y pidi ayudo ora cu nos mester.
Un mente saludabel lo conduci na un bida saludabel y asina por pensa miho, analisa y busca solucion pa problemanan cu diariamente ta presenta den nos bida.

Comments

comments

C: Heineken
new india