Den cuadro di Dia Internacional di Presion Halto, directeur di Ibisa, Sra. Monique Van Embden, ta splica cu tur cos ta den nos mes un man si no move y come mas miho tur dia pa asina preveni tipo di malesa asina aki.
Tin diferente forma cu bo por haci movecion, actividad fisico. Hopi biaha ta pensa di biaha ariba un deporte, ariba un gym. Esey no ta unico manera pa ta activo. Importante ta pa bira consciente di e importancia pa haci suficiente actividad fisico pa bo salud fisico y salud mental.
Tambe Sra. van Embden a splice cu tin beneficio mutuo den esaki, pero na mes momento bo por busca kico ta duna abo como persona placer. Uno ta bira consciente cu bo tin cu haci movecion pa bo salud y di dos pensa kico bo ta gusta haci, si ta baile, landa, core of core bicicleta. Tin diferente manera pa por ta activo. Traha den cura tambe ta un forma di ta activo. Mester busca kico bo ta gusta haci y bo ta haya algo cu ta sigur cu ta dunabo e cantidad di ora pa e movecion cu bo mester pa bo salud.
Den diferente bario tin facilidadnan apto pa haci movecion, pero segun Sra. van Embden, Aruba no ta mucho grandi cu bo no por yega un caminda cu bo por haci movecion of actividad fisico. Den diferente bario bo ta haya facilidadnan deportivo cu ta duna oportunidad cu ta haci actividadnan cu bo por participa na dje. Y pensa creativo. Busca un grupo di hende cu ya caba ta yuda pa crea un situacion mas sigur, pa bo haci actividad fisico. Mientras tanto cu otro persona, p.e. Yiunan ta haci deporte, como mayor, busca algo cu ta cerca of na e luga unda e yiunan ta pa abo como mayor tambe ta activo. Si bo ta dispuesto y consciente, bo ta haya e manera y e tempo pa ta activo.
Por ultimo, directora di Ibisa, Sra. Monique van Embden a bisa cu e prome paso ta pa conscientisa di e importancia pa actividad fisico y despues crea e posibilidad pa busca e luga apto, e horario cu ta fit den schedule di dia y asina logra implementa suficiente actividad fisico.