Tin multiple estudio cu a asocia duchanan vaginal cu infeccion, inflamacion y embarasonan ectopico.
Tambe ta relaciona cu un aumento di cancer di boca di matris, un disminucion di fertilidad, un mayor riesgo di haya HIV y otro enfermedadnan di transmision sexual.
Partiendo di e base ey, e estudionan cientifico a duna un paso mas leu y a observa cu e practica aki ta altamente relaciona cu e desaroyo di cancer di ovario.
Es mas, ta ofrece un cifra pa e hayasgo aki, pudiendo determina cu duchanan vaginal ta duplica e riesgo di cancer di ovario.
Laga nos wak mas riba esey…
“Sister Study”, e estudio cu a determina e hayasgo.
E proyecto di salud femenino aki ta sustenta bao di e lama “Di muhe pa muhe, di ruman pa ruman, nos ta marca e diferencia.”
Sister Study ta e responsabel di e hayasgo asina importante aki den lucha contra cancer di ovario.
E plantamento inicial ta fascinante, ya cu ta compone di diverso y liñanan plural di investigacion riba salud femenino cu ta dunando luz riba distinto patologia y metodonan di prevencion.
E revista Epidemiology a haci un eco di e resultadonan di e siguimento desde 2003 di mas di 41 mil hende muhe di Merca y Puerto Rico.
Tur tabata tin edadnan di entre 35 y 74 aña di edad y ademas, un ruman muhe cu a desaroya cancer di pecho.
Na Juli 2014 a detecta 154 casonan di cancer di ovario, pero e cifra a duplica ora cu a incorpora nan na e estudio na e muhernan ey cu tabata practica duchanan vaginal.
Atrai pa e resultadonan aki, cientificonan a aisla e casonan di muhenan cu no tabata tin gennan asocia cu e aparicion di cancer di pecho den famia, locual a fortalece ainda mas e relacion entre e duchanan vaginal y cancer di ovario.
Kico ta duchanan vaginal
E duchanan vaginal ta mescla di diferente substancia como antiseptico y fragancianan cu tin como obhetivo limpia y refresca e vagina.
Nan por bin den diferente presentacion of dispositivo, cu aplicadornan cu ta impulsa e likido den e interior di bo zona intima. Otro opcion ta, simplemente aplica un drop directo di awa den e zona.
Si ta bon, e vagina ta limpia su mes di manera natural, muhernan tin e tendencia di aplica awa den abundancia, mescos cu uza productonan di higiene intimo cu tanto e boticanan ta anuncia den distinto medionan di comunicacion.
Aunke nan ta totalmente desaconseha, su disposicion liber den supermercadonan y comercionan, cu e fin pa haci cu hopi hende muhe uza e productonan aki sin supervision medico.
Asina, aunke cu por proporciona un sensacion di frescura y di aparente limpiesa, nan ta perhudica e pH normal di e vagina, alterando e ekilibrio natural di e canal.
Di e manera aki, segun e distinto estudionan cita, un uzo continua ta faborece:
* E crecemento exagera di bacterianan dañino.
* Infeccion.
* E empuhe di bacteria pa e matriz, e tubonan di Falopio y e ovarionan.
* Cancer di ovario.
Mientras cu mayoria di dokter ta desaconseha e duchanan vaginal, hopi hende muhe ta sigui haci’e pasobra ta supone cu algun beneficio cu no ta tal, manera un aumento di limpiesa.
P’esey, ta necesario pa nan desaroya intervencionnan cu ta preveni e practica aki.
Practicanan mas recomendabel cu e duchanan vaginal
Te preocupante cu, apesar di ta totalmente desaconseha pa profesionalnan di salud, un alto porcentahe di hende muhe, ta realisa e practica aki di manera cotidiano.
Di e manera aki, nos por compronde cu ta multiple e rasonnan cu ta hiba nos pa realisa duchanan vaginal como parti di nos rutina diario.
Ya sea cu ta pa e sensacion di frescura y di limpiesa of di creencia falso cu “e productonan di botica of awa no por haci nos daño,” e premisanan pa elimina e custumber perhudicial aki ta:
* Evita su uzo sin e recomendacion explicito di un dokter acredita manera un specialista den ginecologia.
* Bisti paña limpi diariamente.
* No humedece e zona di manera artificial.
* Mantene un alimentacion y un estado fisico saludabel corecto.
* Laga cu e vagina ta haci su mes limpi su mes di manera natural sin introduci nada, ni sikiera awa di douche.
* Haci e area exterior cu awa tibio limpi y habon suave sin holo, specialisa pa e zona vaginal externo.
* No tin cu haci limpi mas di un biaha pa dia, ni tampoco cada biaha cu urina. Simplemente nos por seca e zona cu papel di wc sin uza e bidet.
Nota na e lector: E informacion aki ta esencial pa bida di tur hende muhe, pero nos no por lubida cu ta hayasgonan cientifico cu ta pretende di aporta luz riba e practicanan mas saludabel na nivel general.
Cada cual tin cu consulta cu su ginecologo pa e tipo di practicanan aki cu e fin di informa riba loke ta consehabel den su caso particular.
Fuente: Mejor con salud
