Dr Wilmer Salazar di Departamento di Salubridad Publico a splica mas over di e CoronaVirus cu ta un virus ampliamente distrubui na mundo y cu engeneral e ta un virus cu ta afecta mas tanto parha exotico, migratorio y parhanan cu nos ta cria, galiña, calacuna, pato y mas. Dr Wilmer Salazar a menciona cu e virus aki cada tempo tin un manera di cambia y loke ta bisa cu e ta bula di un especie pa otro especie animal, su infeccion ta normal den parehanan pero unda e virus ta cambia su structura y ta adapta na otro animalnan. Pa tanto porco, cabay, y esaki ta produci un griep y na final e virus ta bula y bay un biaha mas y por afecta humano y e parti aki ta e problema cu ta bin di tur e malesanan di halamento di rosea y ta afecta e humano y por acausa consecuencianan severo te hasta morto. Unabes cu e tipo di virus aki ta drenta y ta yame e Novel CoronaVirus cu ta afecta mundo y mas tanto na China. Nos tin atencion di esaki pasobra e por plama na mas pais y den forma cu e por bira un empidemia pa un pandemia, y mester tin cuidao pa cu esaki.
Dr Wilmer Salazar a bisa cu e virus ta limita actualmente na China, y el a nace na e poblacon di Wuhan y unda mayoria ciudadnan Asiatico tin un mercado di productonan di agriculo y animal y esaki ta e risiko cu hende tin pa haya cierto malesanan respiratorio di e virus aki, debi na e multitud di animalnan bruha cu tin den e ciudadnan unda ta bende cuminda. E personanan aki a biaha pa otro region di China y Asia pero no ta den mes un pais y tur e infeccionnan aki a sali for di china, y esaki a haci cu a keda detecta.
E virus yama Novel CoronaVirus, unda aparentemente a sali for di animal, pero estudionan ainda ta purba na saca afo for di cua animal y esaki a bula bay na humano y ta birando uno mortal, Dr Wilmer Salazar a menciona.
E virus aki ta crea un situacion cu nos mester ta atento p’e. E sintomanan ta cuminsa cu griep, keintura, dolor di cabes, tosamento seco y nanishi ta core y dolor di curpa, pero e por tin complicacion y si e ta sigui avansa di e condicion di e persona y por haya infeccion di pulmon, y por bira fayo di rion y organo general y por fayece.