Locual ta pasando awor aki, ta cu Serlimar ta cabando cu limpiesa, segun Johnny Henriquez di Salubridad Publico. A cuminsa diaranson cu limpiesa den e bario di Madiki hunto cu Serlimar, GKMN, Departamento di Higiena, Cruz Cora, pa asina cana den e bario, pasa den e casnan cu a wordo afecta door di e yobida, y asina ey duna conseho na cada cas kico pa haci, kico no por haci. Mirando awor aki tin hopi pertenencia di cas cu a bay perdi. Ta duna conseho como departamento di Higiena pa colchonnan cu a wordo muha, pañanan cu a wordo daña. Porta stoelnan di paña cu a keda para den awa, e ora eynan no por uza mas, ta duna conseho pa saca nan pafo y deshaci di nan.
Cruz Cora tambe a pasa hunto cu e departamento y nan, ora cu e pertenencianan ta bay perdi, nan ta percura cu loke nan tin den stock, pa yuda e personanan hiba por ehempel colchon, stoel of algo asina, paña tambe pa e hende nan bida por continua normalmente.
Normalmente hende ta saca e colchon y seca den solo, pero den e caso aki e no ta recomendabel. Loke a pasa ta cu e colchon a keda por lo menos cuater dia den e awa, of a keda muha paden y ya el a cuminsa haya holo caba. E ora eynan no ta recomendabel pa uza e colchon eynan mas. Por ehempel e persona ta drumi riba dje y aki algun dia e ta bay cuminsa presenta cu malesa of rash riba cuero y cosnan asina no ta bon.
A pasa na e casnan di palo cu a wordo afecta. Departamento di Higiena a duna conseho pa loke ta e casnan aki, kico lo mester wordo drecha, of kico lo mester wordo kita for di e cas tambe pa reemplase cu algo nobo of mas miho, segun Henriquez.
A haya basta criadero. Ora cu GKMB tabata cana cu departamento di higiena, tabata drenta den e casnan cu permiso di e propietarionan y a bin haya algun criadero y tabata tin basta cas cu tabata potencial pa criadero. Eseynan a wordo removi y mas dilanti ta haya cu menos problema di sangura, caminda cu por bay evita virusnan dengue, chikungunya y zika.
Segun Henriquez, durante e temporada awor aki, awa lo bay keda yobe. Recomendacion semper ta keda pa cada persona, doño di cas, wak bon, wak den cura atrobe, wak si tin cosnan potencial cu ta retene awa, manera hemchi, boternan tira, scoter, y asina por menciona. Cosnan cu ta retene awa, biranan y si ta uzanan y si wak e tin awa para un dia, bolternan y pone bek. Esey tin cu keda haci cada rato, Henriquez a finalisa.