Tin hopi caso di rash cu ta ser bisa cu tin pero Salubridad Publico ta pendiente di e docternan cu ta atende cu e pashentnan pa meld e caso nan aki. Di es manera aki, DESPA por tin un bista riba e casonan aki. Docter Wilmar Salazar ta splica.
Ta p’esey a tuma e decision pa manda informacion pa dokternan cu tin rash adicional, pa tuma contacto mesora cu Departamento di Malesanan Contagioso pa asina haci e investigacion necesario. Esaki ta pa averigua cual ta e causanan pa asina tuma accion.
Na Aruba tambe tin e virus di Zika, cu ta circulando cu tambe mester tene cuenta cun’e. Pero tambe por tin un otro virus cu tambe ta causa mesun sintoma cu mester wordo descarta. Si e dokter no ta meld y e no ta tuma muestra pa haci investigacion di e virusnan e ora DESPA no por haci nan investigacionnan clinico. Di otro manera, e por ta hopi laat.
E dokter cu tin conocemento clinico y di e departamento, e mester evalua e condicion di e pashent y e mester evalua e caracteristica di e malesa. Dolor di garganta, plekinan cora den garganta of pus den garganta, cu lo por ta of un infeccion bacterial of un infeccion viral, anto e ta dicidi ki sorto di test e mester haci. Meld esaki na DESPA pa asina por haci un intake y evalua e caso.
Dr. Salazar a sigui bisa cu e Aedis Ageapty ta circulando y mester tene cuenta cu esey. E temporada di yobida a pasa y tin cierto cambionan climatologico cu por crea cierto brotenan cu mester wordo determina. E dokter cu conocemento clinico mester samina e pashent y determina si e pashent mester haci e test y ki tipo di agente teologico e por ta, pa asina DESPA por tuma medida den e caso. Si e dokter ripara cu e pashent ta bin cu e mesun sintomanan cada rato, e no mester warda. Esaki mester wordo gemeld na DESPA ya cu e por ta un otro tipo di malesa, segun Dr. Wilmer Salazar a bisa.