Dia 22 di Maart ta Dia Internacional di Awa pa cual den un conferencia di prensa di Departamento di Salud Publico Sra. Yvette Geerman ta splica mas di e desaroyonan tras di esaki.
Salubridad Publico ta e departamento cu ta controla y monitorea e calidad di awa potabel, awa di irigacion, awa di lama. Departamento di Salubridad Publico hunto cu DOW ta pone atencion ariba e topico aki, mirando cu awa ta forma parti di nos bida diario.
Na 1993, Asamblea di United Nations oficialmente a apunta 22 di Maart como e dia oficial di awa. Relaciona cu esaki, cada aña United Nations ta pone un topico cu nan ta atende ariba dje. E aña aki e topico ta “Waster and Waste Water”. E ta trata e problematica di awa, basa ariba nan importancia.
E campaña di e Waste Water ta pa reeduca y pa reuza e parti di e awa cu ta residual, cu ta bay bek e.o. den nos eco sistema. A base di esey, Salubridad Publico, e parti proceso cu ta cay bou di DOW lo pone mas atencion ariba dje, con na Aruba ta reuza e parti di awa residual.