Departamento di Salud Publico su servicio di Warenkeuring en Hygiene despues di a cera siman pasa e bar restaurant situa na Boca Prins, diabierna a duna autorisacion bek na propietarionan pa habri e localidad.
Durante un siman completo servicio di Warenkeuring en Hygiene a guia e proceso di higiena y recogemento di awa na e localidad.
A desinfecta e sistema di tuberia di awa completamente di manera cu e restaurant por labora segun normanan stipula.
Ultimo sample di awa tuma na e localidad ta indica di ta completamente liber di cualkier contaminante, haciendo asina cu e bar restaurant por habri su portanan atrobe.