Salina Dept Store kier duna nan banda kico a pasa

Relaciona cu e sucedido cu a pasa na Salina Dept Store na Paradera diadomingo unda mayornan a pone autoridad na altura di un homber haciendo actonan di pedofiel cu un mucha muhe di 12 anja y polis a detene e sospechoso. Salina kier a duna su banda di medaya. ( den transcurso di dia Masnoticia lo publica entrevista completo cu e mayor )

Di parti di Salina Department Store nos kier a aclaria e situacion y informacion incorrecto cu a wordo skirbi den e articulo di “masnoticia.com” awe 10 di Maart 2019.

Na ningun momento Salina Department Store ta para pa actonan di pedofiel y trabounan eherci na un manera illegal. E informacion correcto di e sucedido ta lo siguiente, na ningun momento e persona menciona den e articulo ta un trahado na Salina Department Store. E persona menciona tawata den nos establicimento pa bishita algun colega trahando na e momentonan ey. Manera mencion e sucedido a pasa pafo di Salina Department Store cual a pone cu e manager y empleadonan paden no tawata na altura di loke tawata pasado. Pues ora e mayornan a bin reclama na e manager ( menciona den e articulo como e persona ‘encarga’ cu e establicimento), e no tabata na altura di loke a pasa pafor di establicimento. Como cu e persona no tawata un trahador di Salina Department Store a dicidi di laga e caso den man di polis y manera menciona door cu e sucedido a pasa pafor di e establicimento, a duna cuerpo policial tur espacio pa hasi e investigacionnan necessario.

Na ningun momento niun medio di noticia a presenta pafor di Salina Department Store pa reporta e sucedido aki. Cual ta di lamenta, paso masnoticia.com di un of otro manera a yega na informacion incorrecto encuanto e caso aki. Na ningun momento e manager di Salina Department Store a menciona loke a wordo skibi den e articulo aki. Es mas Salina Department Store kier remarka cu nos establicimento ta respeta tur ley di Aruba y ningun momento ta ariba ley den ningun sentido.

Di parti Salina Department Store nos kier a aclaria e sucedido aki pa evita (mas) daño na nomber di nos compania door di informacion incorrecto cu a wordo reporta den noticia y alavez informa pueblo di Aruba debidamenta di e sucedido. Salina Department Store ta duna un danki na tur nos clientenan cu semper a kere den nos compania y ta lamenta e sucedido.

Comments

comments