MOSCU, Rusia- E ex presidente Sovietico, Mijail Gorbachov a critica e decision di presidente Mericano, Donald Trump, di sali for di e tratado nuclear (INF), un decision cu, segun Gorbachove, ta “poco inteligente”, segun Interfax a informa.
E tratato, firma na 1987, pa e mesun Gorbachov y e ex presidente Mericano, Ronald Reagan, e tratado di INF tabata e prome acuerdo di reduccion nuclear Sovieico- Mericano, cu ta obliga ambos superpotencia na elimina su misilnan balistico y ci crucero nuclear of convencional.
Den un entrevista cu e agencia, e politico a bisa di ta sigur di cu e decision di e presidente Mericano, lo caba cu tur e esfuersonan realisa pa e lidernan di Union sovietico y tambe di Merca, pa logra e desarme nuclear”.
“Bou ningun circumstancia e acuerdonan bieu di desarme por wordo kibra”, Gorbachov a insisti. “Realmente ta asina dificil di compronde cu e rechaso di e acuerdonan ta, den forma di bisa, poco inteligente?”, e mandatario Sovietico ta puntra. “E salida di e Tratado INF ta un error”, el a conclui.
Sin embargo, e ex mandatario Sovietico ta considera cu ainda no ta laat pa cambia e situacion, ya cu, segun su palabranan, “e trein no a sali ainda”. Den e sentido aki, Gorbachov ta di opinion cu Washington mester probecha pa “para e proceso destructuvo”, coincidiendo cu e yegada diadomingo na Moscu di e asesor di Siguridad di Trump, John Bolton.