Salesforce ta adkiri TIME

E multimiyonario co-fundado di Salesforce, Marc Benioff y su casa, a cera e compra di e revista Time pa 190 miyon dollar. Pero nan no tin pensa di involucra su mes den e liña editorial, según e mesun Benioff a splica.

Den un entrevista den The New York, Benioff a indica cu e y su muhe no ta mete den e operacion diario di nan inversion. El a defende su adkisicion ora cu el a sigura cu Time ‘ta un gran activo’ y cu e tin ‘potencial’.

E compra a wordo confirma pa e actual propietario di Time, Meredith Corp, cu solamente algun luna atras a adkiri e publicacion famoso di henter mundo pa su eleccion di “Personahe di Aña”, cu a un tradicion cu ta bay bek te na 1927.

E magnate di cloud computing a splica cu e y su casa a haci e compra “a titulo personal”, pa cual e operacion lo permanece absolutamente na margen di Salesforce, den un operacion similar na e adkisicion di e corant The Washington Post door di Jeff Bezos.

Na 2013, Bezos, e fundador di Amazon y actualmente e hombre mas rico di mundo segun Forbes, a cumpra e prestigioso rotativo di e capital di Merca, pa 250 miyon dollar y tambe a compromete su mes na mantene su mes na margen di e operacionnan rutinario di e corant.

Den ambos caso ta sigui e mesun patron den cual un multimiyonario di exito recien y asocia cu e sector tecnologico di e west coast (Bezos cu Seattle y Benioff cu San Francisco) ta cumpra un compania historico di e east coast.

E decisionnan editorial di e revista cu, como e mayoria di e medionan impreso a wordo afecta durante e ultimo añanan pa un caida den benta y di publicidad lo sigui wordo dirigi pa su actual ekipo directivo, Benioff a splica.

“Ta un honor pa nos di ta responsabel di un di e icononan mas importante di mundo. Time semper tabata un reflexion fidedigno di e estado di mundo, y ta recorda nos cu e compania ta un di e miho plataformanan a e cambio”, e magnate a declara.

 

Comments

comments