Lider di Sindicato di Aduana di Aruba (SADA) a bisa di cu nan ta riba e bon caminda pa keda cla cu convenio cu ministerio di Labor unda cu trahado di Aduana lo haya un areglo laboral di acuerdo cu nan trabou .
Diabierna siman pasa nan a haya un invitacion di minister di Labor Sr. Glenbert Croes, y tambe Departamento di Wetgeving y DRH, pa asina nan lo por haya un splicacion di locual ta pasando. Dia 2 di Februari, na a sali dos hora mirando cu e convencio firma na Juli aña pasa, bou di e gobierno anterior no a wordo honra. Despues di varios intento pa logra haya un reunion cu minister, nan no a haya un contesta despues di varios biaha di purba comunica cu minister Croes sin haya contesta.
Trahadonan a bira mal contento cu e situacion aki anto p’esey SADA lo bin dilanti haci presion te ora nan a logra un reaccion unda cu nan a haya un disculpa formal di Minister di Labor. Locual cu ta sigui awor aki ta cu como gobierno cu lo a drenta nan mester cumpli cu e acuerdo cu a wordo palabra cu gobierno anterior, pasobra e ta un convenio cu sindicato a keda traha riba dje pa hopi luna y cu hopi ora di trabou hinca pa por logra, y tambe e departamento cu e ayudo di DRH cu lo ta envolvi den e elaboracion di e convenio aki cu lo a tuma mas cu tres luna largo. Esaki a wordo splica pa representante di SADA.
E convenio aki ta consisti di dos parti, e di prome cu lo ta pa e parti di e ambtenaarnan, e uniformanan y e otro ta e Administratieve Krachten. Awor aki SADA lo ta den un situacion cu nan no lo a yega hinca un den otro ainda pa lo cu ta e parti administrativo, pasobra di acuerdo cu e reunion cu minister a haci, dia 29 proximo, awor aki lo bay haya sa kico lo e convenio aki ta encera, no ta paso cu un ambtenaar a haya su periodiek, esey kiermen cu tur lo por hay’e.
Den caso cu sindicato SADA no lo keda di acuerdo cu e convenio e ora nan lo bay den reunion atrobe pa comunica na empleadonan y miembronan di aduana,y naturalmente tambe ta bay pone nan na haltura cu e minister a haci apelacion y e la pidi disculpa na e miembronan pa cu e fayo den e comunicacion, anto e ora sindicato lo anuncia, depende di e decision cu nan lo bay tuma formalmente si nan ta bay encaminda e caminda legal pero e lo ta un proceso cu sindicato mester splica na tur e miembronan tur lo cual sindicato a wordo informa den e ultimo reunion cu minister cu a tuma luga, pa por tuma un decision final riba e caso aki di labor di Departamento di Aduana di Aruba.