SADA a sinta cu minister y el a keda di bay delibera cu e director di aeropuerto. Segun presidente di e sindicato di Douanero, Eduard Maduro, tur hende ta papia cu e minister a acorda y ora cu a trece esaki na e minister, e minister a desmenti esaki. E kiermen cu tin un director, tin un staff cu ta suppose di wak e problemanan aki. Ta como sifuera cu nan ta guia e cuerpo wowo cera, pasobra nan no ta wak e problemanan cu ta bay bin, siendo cu nan, como douane ta wak esaki riba werkvloer.
Ta di spera cu e minister haci su intentonan pa bin cu un solucion pa esaki. El a keda di check un reunion cu e minister di turismo, pero tur hende sa con e situacion ta actualmente. Lo bay sinta warda wak kico ta bay pasa den e dianan aki pa wak ki decision lo bay tuma, y ki pasonan tambe lo bay tuma.
Maduro a sigui splica cu nan a splica e minister cu e arrival hall ta chikito. Awor aki, cerando e parti di yegada, lo bay perhudica Douane grandemente den nan funcionamento. Awor nan tin di bay warda wak pa e fin di siman pasa pa tuma contacto cune, pa mira ki otro pasonan nan lo tuma den esaki.