Directiva S.V. Bubali ta anuncia den nomber di tur su sponsernan cu S.V. Bubali ta
cumpli 75 aña di existencia cu ta traha cu mucha y hubentud. Funda for di 23 september
1943, door di hende nan balente, di cual awor ta duna Bubali e derecho di por celebra 75
aña di existencia. Nos por wak atras un caminda largo cu hopi trabou. Pa e celebracion di
75 aña mester para keto y wak e trajectoria di Bubali. Nos ta pidi Dios Tata pa tur e
añanan di existencia pa e club berde y blanco di Noord pasobra hopi di e club grandinan
no ta existi mas.
Directiva ta organisa un celebracion grandi diasabra 22 di september 2018 na Indian Rock
Garden di 8:00pm – 01:00am. E ta bai ta un celebracion formal, personanan ta wordo sirbi
na mesa, catering ta habri entre di 8:30pm- 9:00pm y ta bai tin doorprize, despues e
celebracion ta continua cu banda Tsunami & Dj Beatz Entertainment pa un suma di Awg.
85, – pa persona. Ticket ta obtenibel na Bubali Sport Club den siman entre 6:00pm –
10:00pm y diasabra di 6:00pm – 12:00am. Por tuma contacto tambe cu miembronan di
bestuur Sra. Sandy Maduro na cell: 749-0303 y Sr. Gregory Fung a Fat na cell: 732-3388.
Ticket ta limita y no ta obtenibel na porta. E celebracion ta estricto pa adulto di 18 aña bay
ariba.
Mayornan di hungador, hungadornan, coach, dirigentenan, ex-dirigentenan di S.V. Bubali,
Fanaticonan y Aruba complete nos ta wardabo pa celebra 75 aña di existencia den grandi
cu nos. #huntonostacelebra75añasvbubali
-END-