Arubaanse Padvindsters Gilde” (APG) ta un organisacion cu ta traha na bienestar di mucha muhe y muhenan hoben na Aruba. Esaki ya ta hopi añanan caba, APG ta contribui na e desaroyo aki. E meta di A.P.G. ta pa educa nos mucha muhenan riba diferente tereno e.o. social, cultural, educacional, deportivo, boluntarismo, etc. Pues educacion “no-formal” cu ta yuda nos miembronan desaroya nan habilidadnan den educacion , personalidad, liderazgo y descubri nan talentonan scondi.
Nan a wordo invita pa WAGGGS, cu ta un organisacion mundial di padvindsters, y nan ta celebra nan seminarionan mundial di Helen Storrow y a opta pa tene un pop-up meeting na Aruba. Pop-up Helen Storrow seminars ta eventonan nacional cu ta tuma luga e mesun siman cu esun di “our Chalet” na Suisa (entre 1 pa 8 di Februari 2018). Nan ta adapta e programa di Helen Storrow Seminar y ta uza internet pa conecta virtualmente cu e pop –up nan den otro paisnan y cu WAGGGS su centronan rond di mundo. Door di tuma parti den un pop-up meeting mas mucha muhe y muhenan hoben por conecta cu guianan y scoutnan femenino rond di mundo y tin un experiencia internacional sin cu tin di tuma un avion. E ta un introduccion pa guianan y Scoutnan internacional. Lo ta prome biaha cu Aruba su organisacion lo participa den un evento asina. President di A.P.G., Sra. Grace Maduro a splcia cu e siman di 5 te cu 9 Februari ta celebra nan seminarionan mundial di Helen Storrow, cu tabata ta un persona cu den su bida a duna hopi na e conservacion di naturalesa. Desde hopi tempo caba na e chalet di Suiza e tabata tene seminarionan pa trece conscientisacion con ta anda cu naturalesa. Despues di Pasco a bin Carnaval, cu ta temporadanan hopi druk., Esaki ta motibo cu a dicidi cu no ta bay haci full un siman, pero a logra den 3 pa 4 siman pa haci un field trip cu e muchanan. Nan tabata tin un lectura cu Juliette Carvajal, cu tabata un persona cu a bin cu e iniciativa di kita saco di plastic. Y A.P.G. lo wak con pa yud’e como grupo.
Tambe nan tabata tin un audiencia cu gobernador, door di gobernador su pasion y dedicacion pa cu naturaleza. E ta bon pa duna un empuhe na trabao di boluntario cu hobennan, pa cual el a honra e seminario cu su presencia.