MAASSLUIS, Hulanda – E portanan di entrada, preventief fouilleren y control riba das, y ainda tin un medida acerca. Casi bo ta lubida cu mañan Sint ta yega na Maassluis. “Esey no ta normal pa un fiesta di mucha,” prome minister Mark Rutte a reacciona awe merdia.
Cu e ordenansa di urgencia polis por desaloha y hasta gara facilmente gruponan di hende cu ta bin stroba orde publico.
Tambe hendenan por wordo ristra preventivamente na Maassluis. Alcalde Edo Haan a adverti esnan cu kier haci uzo di violencia durante e parada. “Sa cu nos ta severo. Polis lo bay mantene e situacion den bista.”
“Laga nos haci normal”
Prome minister Rutte no por a wanta su asombro riba e medidanan aki. “Come on. Esey no ta normal cu tin cu pone asina tanto polis riba caya, portanan di deteccion y tur clase di circunstancia na un fiesta leuk di mucha,” Mark Rutte a enfatisa. “Laga nos comporta por fabor un poco normal cu otro.”
Fuente: RTL Nieuws