DEN HAAG, Hulanda – Ni Rey Willem-Alexander, ni prinses Beatrix sa algo riba un acuerdo cu prins Bernhard a cerca cu Servicio di Impuesto na 1973. Esey ta loke prome minister Mark Rutte a bisa diabierna den un conferencia di prensa despues di ministerraad. Segun RTL Nieuws, famia real desde e aña ey, a wordo compensa pa e belasting cu nan mester paga riba nan ingreso priva. Nan compensacion personal lo mester a wordo hisa, segun e media, cu por lo menos 150 mil florin. E media a basa su mes riba partituranan for di e Archivo Nacional riba e deliberacionnan entre gabinete-De Jong y Prins Bernhard, welo di e rey actual. “Rey y su mama nunca a scucha di tal compensacion,” prome minister Rutte a bisa diabierna. Di e retorno anual en todo caso no por bisa, “pero ningun hende na Den Haag sa con e ta hinca den otro.” Mas claridad ta bin despues cu “un meter y mey di material di archivo” a wordo divulga, el a bisa. E ora ey e prome minister mester informa Tweede Kamer tambe riba e deal di impuesto aki.
Fuente: NRC