DEN HAAG, Hulanda – E embahador Hulandes na Moscu lo trece un respondi dialuna cu lo por trece descredito den cuadro di e investigacion riba e derivo di e vuelo MH17 no por. “E plamamento di disparate riba e investigacion aki mester para, e duda di e independencia nos no ta acepta,” prome minister Rutte a bisa.
E ministerio di Asuntonan Exterior Ruso a laga sa ayera cu e embahador Hulandes den cuadro cu e investigacion riba e derivo di vuelo MH17, a wordo yama. Embahador Renee Jones-Bos mester bin na un combersacion otro mañan. Dabierna mainta, e minister Koenders a invita e embahador Ruso. El a wordo avisa cu Hulanda no ta contento cu e critica Ruso riba e investigacion internacional di e tragedia.
Rusia kier splica e embahador Hulandes dicon Rusia no ta di acuerdo cu e conclusionnan di e causa di e tragedia, segun un declaracion di e ministerio. E investigacion ta, segun un vocero, door di uza metodonan di investigacion “a bay den e direccion robes.”
Segun Prome Minister Rutte, Hulanda lo bay haci uzo di e comversacion pa laga sa bon cla na Rusia cu e independencia di e investigacion mester wordo respeta.
Fuente: NOS.nl