Diasabra 26 di Augustus a tuma luga e careda anual di mountainbike na Calbas organisa pa TRI-BIKE Team Aruba.
Mainta tempran e muchanan jong a bataya den nan categorianan y varios mucha a mustra cu nan no a perde nan condicion durante vakantie grandi.
Ganadonan den nan categoria tabata Xavian Rasmijn , Jurvin Gonzales & Silvienne Gonzalez di Velocity cycling team & Naila de Cuba , Christian Jansen, Victoria Uribe & Victor Uribe a trece cas nan medaya di oro representando nan club TRI-BIKE Team Aruba.
Fin di atardi a toca turno na e categoria nan Mayor. Ruson Gonzalez a mustra cu e ta e coredo mas fuerte di MTB actualmente y a sali ganador absoluto di e careda aki . Ruson ta preparando pa e Caribbean Mtb championships na Trinidad na October .
Indy van Vliet di solamente 14 aña di edad tabata constantemente na di dos luga tras di Ruson . Indy a finalisa dilanti di tur e otro coredonan Elite y Master. El a mustra di ta den gran forma pa asina gana e categoria di Men Sportive y cu un bon time gap ariba tur e otro adult riders nan cu tambe a core 3 vuelta ariba e circuito exigente.
Michelle van Vliet cu a logra un medaya di brons na e careda COPA AMERICA na Peru 4 siman pasa a gana e categoria di Damas. E tabata core cu un pace fuerte su 3 vueltanan pa asina jega finish cu un bon placing overall mey mey di e coredonan Masculino .
Reegel Winklaar cu a competi y train full e ultimo luna ariba su road bike na Hulanda tambe a mustra cu e ta domina su Mtb ainda. E tabata forma parti di e seleccion di Cyclismo pa e weganan hubenil di Odesur hunto cu Indy & Michelle van Vliet. E Pre-Juniors nan aki a bolbe mustra cu nan lo por a competi fuerte na e weganan hubenil Odesur na Chili cu lo tuma lugar September y O
ktober e aña aki. Lamentablemente COA no ta duna nan e chens aki.