MOSCU, Rusia – Como respuesta di e ampliacion di e lista preto di importacionnan for di Rusia aproba pa e gobierno di Ucraina, na su turno Moscu a prohibi e exportacion di petroleo y su derivadonan pa Ucraina.
“Algun dia pasa, e gabinete Ucranio a tuma un paso hostil mas, door di amplia e lista di mercancia Ruso prohibi pa importa. Bou di e condicionnan aki, nos tin cu protega nos mes y tuma medidanan di contesta. Mi a firma un decreto gubernamental pa cu esaki”, e Prome Minister Ruso, Dmitri Medvedev, durante un reunion di su Gobierno, diahuebs.
E documento ta veta e exportaicon pa Ucrania di petroleo Ruso y su derivado. Na mes momento ta defini un serie di medida cu entrante dia 1 di juni lo por exporta pa dicho pais, pero cu permisonan special.
“E categoria ta inclui productonan di e industria energetico, incluyendo e carbon y e petroleo y su derivadonan”, e hefe di gobierno a bisa.
Di mes manera, lo por expande e prohibicion di importa pa Rusia cierto categorianan di productonan produci na Ucrania.
“E medida lo afecta productona di e industria mecanica, industria ligero y di metal, cu aña pasa a produci casi 250 miyon dollar”, e minister a enfatiza.