UCRAINA/RUSIA – E prome resultadonan di e investigacion penal, dirigi pa un ekipo internacional, riba e buelo di Malaysia Airlines, deriba na Juli 2014 oost di Ucrania, a demostra e “implicacion directo” di Rusia, ministerio di Relacionnan Exterior Ucraniano a afirma diaranson.
‘E informe presenta awe ta inclui un elemento nobo hopi importante: un informacion riba e trayecto atrabes di cual e arma a wordo transporta pa Ucraina desde Rusia” y despues, tras e disparo, a wordo desplega di nobo na Rusia, pasando pa un “sector di e frontera Ucraniano-Ruso controla unicamente pa Rusia y su militantenan,” nan a informa den un comunicado.
“E informacion ta mustra di nobo e implicacion directo di Estado agresor” den e caso aki, a conclui.
E Boeing 777, cu a lanta for di Amsterdam cu destino Kuala Lumpur, a transporta 298 persona, entre pasahero y tripulacion. Mayoria di e victimanan tabata di nacionalidad Hulandes.
Di su banda, ministerio di Defensa di Rusia a nenga cu su sistemanan di misil, inclui e Buk, lo a crusa frontera cu Ucraina, manera cu e Fiscalia Hulandes a sigura riba e catastrofe di e vuelo di Malaysia Airlines MH17.
“Ningun sistema di misil, incluyendo e Buk, a crusa frontera Ruso-Ucraniano,” vocero Castrense Ruso, Igor Konashenkov, a sigura na medionan local.
Ademas, el a denuncia cu e obhetividda di e informe di e comision internacional ta lanta hopi duda, ya cu tin dos fuente principal: “Internet y e servicionan secreto di Ucraina.”
Fuente: NTN24