MOSCU, Rusia- E Ministerio di Asuntonan Exterior di Rusia a responde na e acusacionnan presenta diaranson contra di Hulanda. Amsterdam a anuncia cu el a deporta cuater ciudadano Ruso na april 2018 pa planifica un ciberatake contra di e Organisacionann pa Prohibicion di Armanan Quimico (OPAQ).
“Nos a señala varios biaha e parti Hulandes, incluyendo a trabes di e canalnan diplomatico, cu e campaña di spionahe anti- Ruso lansa ariba e pais, sigui pa “filtracionnan” dirigi na e medionan comunicacion riba supuessto atakenan cibernetico, ta causa dañonan grave na e relacionnan bilateral”, segun e comunicado oficial di e Canciyeria Ruso.
Hulanda a spera casi seis luna pa publica datonan riba e expulsion di cuater Ruso di e pais, segun e diplomatico Ruso, “por parce algo straño solamente pa ignorantenan”.