MOSKU, Rusia – Facebook ta wordo menasa di wordo blokia na Rusia. Segun e supervisor local, Roskomnadzor, e compania no ta mantene su mes na e reglanan Ruso di wardamento di data.
Companianan di internet stranhero manera Facebook, mester warda e datonan di usuarionan Ruso na Rusia, segun ley Ruso. “Ley ta conta pa tur hende,” e hefe di e servicio a bisa.
Fin di aña pasa caba LinkedIn a wordo blokia na Rusia. Gigantenan di Internet manera Google y Alibaba si a cumpli. Twitter a pidi e supervisor pa un uitstel pa asina e por realisa di ta bal la pena haci esaki.
Rusia ta purba di minimalisa su independencia di companianan tecnologico stranhero. Asina ta wordo traha un alternativa pa WhatsApp, specialmente pa ambtenaarnan. Tambe e infrastructura di comunicacion Ruso, a wordo reforsa.
Fuente: www.anp.nl