KALININGRAD, Rusia – Rusia a desplega misilnan Iskander cu capacidad nuclear den su region mas occidental, Kaliningrad, frontera cu miembronan di NATO, Polonia y Lithuania.
Polonia ta bisa cu e desaroyo ta di “mayor preocupacion”, agregando cu nan ta monitoreando e situacion.
E ministerio di Defensa di Rusia a bisa cu e desplege nobo tabata parti di ehercisionan militar y a yega di pasa antes.
Merca y NATO a mira desacuerdonan cu Rusia intensifica den e ultimo temponan, particularmente riba Siria y Ucraina.
Kalningrat ta un enclave Ruso entre Polonia y Lithuania.
E sistema Iskander tin un alcance di te cu 700 kilometer y por yega te na e capital Aleman, Berlin.
Minister di Defensa Polaco, Antoni Macierewicz ta yama e actividadnan di Rusia “hopi alarmante.”
Y un funcionario di inteligencia Mericano a bisa Reuters cu e medida por ta pa expresa descontento cu NATO. NATO ta aumentando su flanco oriental mediante e despliege di cuater batayon na Polonia, Lithuania, Latvia y Estonia otro aña.
Pero e vocero di Ministerio di Defensa Ruso, Igor Konanshenkov a bisa cu e despliege no tabata excepcional.”
E anexo Ruso di Krim y su apoyo pa rebeldenan cu ta combati west di Ucrania a procova un alarma considerabel den e region aki, cu Moscu tambe por concicera un accion agresivo contra paisnan den e flanco oriental di NATO, segun Adam Eston di BBC na Warsaw.
NATO a purba di calma e temornan den su cumbre na Warsam na Juli ora di anuncia cu e despliege di tropa di tanto estadonan Baltico como Polonia, coresponsal di BBC a bisa.
NATO a bisa cu tabata un accion puramente devensivo, pero Moscu ta mir’e como un menasa y e despliege di e misilnan por wordo mira como un contramedida, el a añadi.
Iskandernan a wordo manda pa Kaliningrad durante ehercicionan militar aña pasa. E anexo Ruso di Krim y su apoyo na e presidente Sirio, Bashar al-Assad, ta sigui proba e relacionnan cu potencianan occidental.
Finlancia, Suecia, Estonia y Latvia ta entre nacionnan cu a reporte violacionnan di espacio aereo pa militarnan Ruso.
Fuente: BBC World